ХОМИЛАДОРЛИКДА ТАКСИКОЗНИ кунгил айнишини ЕНГИЛЛАШТРИШ УСУЛЛАРИ
Ҳомиладорликнинг илк кунларида аёл ўзини ёмон ҳис этиши меъёрий ҳолат. Фақат ёқимсиз ҳолатнинг даражаси ҳар хил бўлади. Айрим аёлларнинг фақат эрталаб, уйқудан турган пайтларида кўнгли айниса, бошқаларида бу ҳолат кун бўйи давом этади.
Ҳомиладорликнинг илк босқичида токсикоз бошланиши аёлнинг нафақат турмуш тарзига, балки ҳам жисмоний, ҳам руҳий ҳолатига салбий таъсир кўрсатиши мумкин.
Агар бу ҳолат ҳомиладор аёлнинг ишида қийинчилик туғдираётган, атрофдагилар билан муносабатга киришишига халал бераётган ёки аёл бола тарбиясида қийналаётган бўлса, албатта, кун тартибини ўзгартириши лозим.
Қачон шифокорга учрашиш керак?
Шифокор билан маслаҳатлашиш қанча эрта амалга оширилса, ҳомиладор аёл учун ҳам, унинг дунёга келтирмоқчи бўлаётган боласига ҳам шунча яхши. Чунки токсикозни вақт ўтиши билан оғирлаштириб юбориш мумкин. Шунинг учун кўнгил айниши кундалик турмушингизнинг бир бўлагига айланиши билан дарҳол шифокорга мурожаат этинг. Шунга қарамай, кўпчилик мутахассислар фақат кучли кўнгил айнишинигина даволаш мумкин, деб ҳисоблайдилар. Чунки у аёл ва унинг ҳомиласига салбий таъсир кўрсатиши мумкин. Шу боис кўпчилик шифокорлар ҳомиладор аёлга умумий аҳволи яхшилангунига қадар сабр қилишни маслаҳат беришади. Қолаверса, кўпчилик кўнгил айнишини оғир ҳолат деб қабул қилмайди. Аммо ўтказилган тадқиқот баъзида токсикознинг аёл ҳаётига таъсирини етарлича баҳолай олмаслигини кўрсатди.
Маълум бўлишича, айрим аёллар кўнгил айнишини қайт қилишдан ҳам оғир кечириши мумкин экан.
Агар қайт қилиш кун давомида кўп марта такрорланса ва шунинг оқибатида аёл овқатлана олмаса ҳамда вазн йўқота бошласа, дарҳол шифокорга мурожаат этиши лозим. Чунки бундай ҳолатда аёлда ташналик бошланиши мумкин. Ҳомиланинг илк даврида даволаниш токсикозни кучайиб кетмасдан бартараф этади.
Агар аёл ҳомиладор бўлишни режалаштираётган бўлса ва бундан олдинги ҳомиладорлик даврида оғир токсикозни бошдан кечирган бўлса, у ҳолда олдиндан даволаниши лозим. Бу ёқимсиз ҳолатнинг олдини олишга ёрдам беради.
Watch video ХОМИЛАДОРЛИКДА ТАКСИКОЗНИ кунгил айнишини ЕНГИЛЛАШТРИШ УСУЛЛАРИ online without registration, duration hours minute second in high quality. This video was added by user NIYAT SHIFO 21 March 2021, don't forget to share it with your friends and acquaintances, it has been viewed on our site 174,394 once and liked it 1 thousand people.