ქართულ-ვაინახური ურთიერთობები ისტორიულ-კულტურულ ჭრილში - პროფესორ ქეთევან ხუციშვილის ლექცია
🏠 25 აპრილს, 17 საათზე იორგ ჰენლეს აუდიტორიის სტუმრებს თსუ-ის ჰუმანიტარულ მეცნიერებათა ფაკულტეტის ეთნოლოგიის სასწავლო-სამეცნიერო ინსტიტუტის ხელმძღვანელის, პროფესორ ქეთევან ხუციშვილის ლექციის მოსმენის შესაძლებლობა ჰქონდათ. ისტორიის მეცნიერებათა დოქტორი ისაუბრა თემაზე „ქართულ-ვაინახური ურთიერთობებიისტორიულ-კულტურულ ჭრილში".
ℹ მოწვეული სტუმრის შესახებ:
ქეთევან ხუციშვილი - ისტორიის მეცნიერებათა დოქტორი, ეთნოლოგი, თბილისის სახელმწიფო უნივერსიტეტის პროფესორი, თსუ-ის ჰუმანიტარულ მეცნიერებათა ფაკულტეტის ეთნოლოგიის სასწავლო-სამეცნიერო ინსტიტუტის ხელმძღვანელი.
ქეთევან ხუციშვილი დაიბადა 1967 წლის 1 აგვისტოს, მხატვარ გოგი ხუციშვილის ოჯახში. დაამთავრა თბილისის სახელმწიფო უნივერსიტეტის ისტორიის ფაკულტეტი.
მისი კვლევის ინტერესებია: რელიგიები, ეთნიკური ჯგუფები, კონფლიქტები. არის სამი მონოგრაფიის, ექვს ათეულზე მეტი სამეცნიერო სტატიის ავტორი, სამი წიგნისა და ერთი სახელმძღვანელოს თანაავტორი. 5 ათეულზე მეტი საერთაშორისო კონფერენციისა და სემინარის მონაწილე. ათეულობით საველე ეთნოგრაფიული ექსპედიციის მონაწილე საქართველოში, კავკასიასა და თურქეთში. თსუ-ში მუშაობს 1993 წლიდან.
სხვადასხვა დროს ისტორიისა და ჰუმანიტარულ მეცნიერებათა ფაკულტეტზე მიჰყავდა და ამჟამადაც კითხულობს შემდეგ სალექციო კურსებს: ეთნოლოგიური კვლევის მეთოდები, შესავალი ეთნოლოგიაში, რელიგიების ისტორია, რელიგიის ანთროპოლოგია ძირითადი ანთროპოლოგიური სკოლები, ძალადობის ანთროპოლოგია, ეთნიკური უმცირესობები საქართველოში, კავკასიის ხალხთა ეთნოგრაფია.
Watch video ქართულ-ვაინახური ურთიერთობები ისტორიულ-კულტურულ ჭრილში - პროფესორ ქეთევან ხუციშვილის ლექცია online without registration, duration hours minute second in high quality. This video was added by user Caucasian House 26 April 2023, don't forget to share it with your friends and acquaintances, it has been viewed on our site 524 once and liked it 22 people.