რუსთავის საბჭოთა მემკვიდრეობა - პატარა ქალაქის დიდი ამბები / ინტერვიუ პროფესორ თეა ქამუშაძესთან
ცოტა ხნის წინ, რუსთაველის ეროვნული სამეცნიერო ფონდის მხარდაჭერით, ახალგაზრდა მეცნიერთა გრანტის ფარგლებში დაისტამბა წიგნი — „რუსთავის საბჭოთა მემკვიდრეობა — პატარა ქალაქის დიდი ამბები“. იგი წარმოადგენს პოსტინდუსტრიული ქალაქის ანთროპოლოგიურ კვლევას. წიგნი მოიცავს ავტორის, თეა ქამუშაძის რუსთავით დაინტერესებისა და მისი კვლევის ათწლიან თავგადასავალს.
თეა ქამუშაძე თსუ ივანე ჯავახიშვილის სახელობის ისტორიისა და ეთნოლოგიის ინსტიტუტის მეცნიერი თანამშრომელი, ჰუმანიტარულ მეცნიერებათა ფაკულტეტის მოწვეული ლექტორი და ჯიპას ასისტენტ-პროფესორია. პირველად რუსთავს ის 2011 წელს ესტუმრა და იმის შემდეგ იგი მისი ქალაქი, მისი აკადემიური და პიროვნული იდენტობის მნიშვნელოვან ნაწილად იქცა.
წიგნი „რუსთავის საბჭოთა მემკვიდრეობა — პატარა ქალაქის დიდი ამბები“ — მოიცავს რუსთავის სახის ფორმირების პროცესის კვლევას. მასში განხილულია, თუ როგორ მოხდა კომუნისტების მიერ მისი წარდგენა საზოგადოებისათვის და შემდგომ მისი ტრანსფორმაციის თავისებურებები პოსტკომუნისტურ პერიოდში. წარმოდგენილ კვლევაში ნაჩვენებია, თუ როგორ შემოგვთავაზეს კომუნისტებმა, რუსთავის ინდუსტრიის მშენებლობასთან ერთად, ქალაქის წაკითხვის ორი განსხვავებული ხედვა — ნაციონალური და ინტერნაციონალური. ქალაქის ამ ხედვების გასამყარებლად კი რეჟიმი სხვადასხვა აქტორებსა და ისტორიულ ფაქტს მოიხმობდა. სისტემა ურბანული ნარატივების მეშვეობით ქალაქის ძლიერ მხარეებს წარმოაჩენდა და ქვეყნის მასშტაბით მის განსაკუთრებულ სტატუსს უზრუნველყოფდა. კომუნისტების მიერ აღორძინებული ისტორიული ქალაქი, ამავდროულად, ქვეყნის მოდერნულობის სიმბოლოდ უნდა ქცეულიყო. რუსთავი საქართველოს სიამაყედ გამოცხადდა. არ დარჩენილა მაშინდელ ინტელიგენციაში ადამიანი, რომელსაც თავი ვალდებულად არ ჩაეთვალა და ქალაქი რუსთავი საკუთარი შემოქმედებით არ განედიდებინა.
ამ ყველაფრის საპირისპიროდ საბჭოთა კავშირის დაშლის შემდგომ, ქალაქის მდგომარეობა არსებითად შეიცვალა, ქარხნების ქალაქში მასიურმა უმუშევრობამ დაისადგურა. წარმოდგენები ბედნიერ მომავალზე მწარე რეალობით შეიცვალა, რამაც ავტომატურ რეჟიმში ღირებულებათა გადაფასების საკითხი დააყენა. მათ შორის კომუნისტების მიერ შემოთავაზებულმა ნაციონალურმა ნარატივებმა (შოთა რუსთაველი რომ ამ ქალაქიდან იყო) დაკარგა დამაჯერებლობა, ხოლო ქალაქის მულტიკულტურული იმიჯი (ორმოცი ძმის ქალაქი) აღარ იყო მიმზიდველი.
წიგნში თანამედროვე რუსთავის მდგომარეობა განხილულია როგორც ქალაქისათვის იდენტობის ძიების პროცესი. წიგნის მეხუთე თავში — „რუსთავის წარსული და თანამედროვეობა“ შედარებულია პოლონეთის სოციალიზმისათვის ემბლემატურ ნოვა ჰუტას გამოცდილებასთან.
წიგნის რედაქტორი: ქეთევან ხუციშვილი
დაწვრილებით იხ. ბმული: https://bit.ly/3SQT3Bv
#რუსთავი
Watch video რუსთავის საბჭოთა მემკვიდრეობა - პატარა ქალაქის დიდი ამბები / ინტერვიუ პროფესორ თეა ქამუშაძესთან online without registration, duration hours minute second in high quality. This video was added by user Caucasian House 01 January 1970, don't forget to share it with your friends and acquaintances, it has been viewed on our site 386 once and liked it 9 people.