Өйрәтте өләсәйем бейеүе
ӨЙРӘТТЕ ӨЛӘСӘЙЕМ
Бейе, ҡыҙым, һөйкөмлө бул,
Тигәйне өләсәйем.
Минең матур булғым килә,
Бейейем дә бейейем.
Бейейем, бейейем,
Кәйелә күлдәккәйем.
Оҫта итеп тыпырларға
Өйрәтте өләсәйем.
Туғыҙ итәкле күлдәгем,
Яғаһы ҡыя ғына.
Өләсәйем өйрәткәйне
Ойота баҫам ғына.
Бейейем, бейейем,
Кәйелә күлдәккәйем.
Бармаҡ шартлатып бейергә
Өйрәтте өләсәйем.
Көйгә генә тыпырлайым
Һығылмалы буй ғынам.
Үҙем көҙгөгә ҡарайым
Оҫтара барам һаман.
Бейейем, бейейем…
…Көй туҡталһа ла бейейем.
Кәйелә күлдәккәйем.
Сулпы сыңына бейергә
Өйрәтте өләсәйем.
Мәрйәм Бураҡаева
Смотрите видео Өйрәтте өләсәйем бейеүе онлайн без регистрации, длительностью часов минут секунд в хорошем качестве. Это видео добавил пользователь Марьям Буракаева 11 Апрель 2021, не забудьте поделиться им ссылкой с друзьями и знакомыми, на нашем сайте его посмотрели 246 раз и оно понравилось 14 людям.