PREZIDENT MIRZIYOYEV PARALIMPIYA QAHRAMONLARI BILAN SUHBATLASHDI
Bugun Prezident Shavkat Mirziyoyev Parijdagi Paralimpiya o‘yinlarida g‘alaba qozonib, terma jamoamiz hisobidagi oltin medallar sonini beshtaga yetkazgan yengil atletikachilar Elbek Sultonov, Yo‘rqinbek Odilov va taekvondochimiz Asadbek Toshtemirov bilan telefon orqali suhbatlashdi.
Davlatimiz rahbari o‘z nomidan va barcha yurtdoshlarimiz nomidan sportchilarni samimiy qutlab, bu zafarlar eng aziz, eng ulug‘ bayram – Mustaqillik kuniga munosib sovg‘a bo‘lganini ta’kidladi. Paralimpiyachilarimiz murosasiz bellashuvlarda ko‘rsatayotgan yuksak mahorat va metin iroda butun xalqimiz, ayniqsa yoshlarga ruh bag‘ishlayotgani qayd etildi.
Prezident yigitlarning murabbiylari va ota-onasiga minnatdorlik bildirib, kecha sovrindor bo‘lgan sportchilarimizga ham salom va tabrik so‘zlarini yo‘lladi.
Chempionlar har bir chiqishda davlatimiz rahbari va xalqimiz qo‘llovini his etganlarini ta’kidlab, yurtimizda paralimpiya harakati rivojiga qaratilayotgan e’tibor va yaratilgan sharoitlar uchun rahmat aytdilar.
Смотрите видео PREZIDENT MIRZIYOYEV PARALIMPIYA QAHRAMONLARI BILAN SUHBATLASHDI онлайн без регистрации, длительностью часов минут секунд в хорошем качестве. Это видео добавил пользователь Дунё - Информационное агентство 01 Сентябрь 2024, не забудьте поделиться им ссылкой с друзьями и знакомыми, на нашем сайте его посмотрели 1,463 раз и оно понравилось 58 людям.