Oltin daraxt ertagi 🎄🦌🇺🇿🇺🇳🇺🇸 🤝 Golden tree 🎄🦌 by Uzbektosh
SHOIRNING SO‘NGGI SO‘ZI
Dor osti. Shoirning bo‘ynida arqon,
“– Og‘zini yechinglar,” – buyurdi sulton, –
Nomiga muhtasham bino tiklatay,
Roziman deb so‘ngso‘z so‘zlasin shu on.”
“– Shoir nomidagi ming bitta bino,
Bir misra rost she’rdan bo‘lmaydi a’lo.
Xalqqa haq she’r aytay tanisin haqni,
Qasam so‘zim shu der ,” shoiri ado.
08.02.2023 yil
*** https://t.me/uzbektoshijodi
O‘zbektosh To‘raxonli,
O‘zbekiston Yozuvchilar uyushmasi a’zosi, dramaturg, rejissyor.
МИЛЛИЙ МАСАЛ
Қуён мучали – 2023 йил баракали бўлсин.
Қуён, Сичқон, Маймун, Олмахон,
Дўст эдилар аҳил, меҳрибон.
Гир айлана ўрмоннинг ғарби,
Улар учун ажратилганди.
Орзу бирла кунлардан бир кун.
Йиғилдилар ош қилиш учун.
Тушлик пайти кайфиятлар чоғ,
Сой бўйида осдилар ўчоқ.
Бошлаш учун паловли базмни,
Чорлашдилар машҳур ошпазни.
Ёрдамчи деб тажрибаси зўр,
Тайинланди қуён сабзихўр.
Ўчоқ кулин тозалаб сичқон,
Сара гуруч келтирди чаққон.
Ўтин терди Маймун куй чалиб,
Шохдан шохга сакраб, жилмайиб.
Олмахончи? Жамлаб ҳушини,
Ювди, кесди сабзавот, гўштни.
Бўлсин дея соғлиққа дори,
Қовурилди қозонга бори.
Кўпчиликнинг оши пишар тез,
Ҳам мазали, мадорли, лазиз.
Ош дамланди уч соат ўтмай,
Ҳамма турар ейиш учун шай.
Дам ташлашдан сал ўтиб кейин,
Бошланди зўр томоша, ўйин!
Қуён деди: – “Сабзи солинг кўп,
Тўғрамасдан бутунлай бир қоп!
“А” витамин кўпаяр шундан,
Емаганман бундай сабзидан.”
Сичқон сўзлар: – “Ун солиш керак,
Янги таъмни тотайин бешак.
Айтганимни кимлар этса рад,
Бадар кетгум, ўйнамам минбаъд.”
Маймун дўқлар: – “Қозонингга сол,
Африканинг бананидан мўл.
Ким солмаса пўчоғи билан,
Ағдараман ўчоғи билан.”
“Ошда пишсин мияга дармон –
Ёнғоқ солинг,” – деди Олмахон,
Ким сўзимдан хафа агарда,
Бор меҳнатим қайтарсин шартта.”
Қийин бўлди ошпаз – сарбонга,
Ҳар балолар солди қозонга.
Ажабсанда бўлди, паловмас,
Моҳир ошпаз кўзга қаролмас.
Сол, сол, бўлса, ҳар қандай қозон,
Мақсад унут, қолади сарсон.
Бирлашмаса ақлу ғоя, дил,
Тану ватан юксалмас алҳол.
Овоз берсин тафаккури кенг,
Қолганларнинг туши келмас ўнг.
Билимсизлар қилгани шулдир,
Номиям ва онгиям қулдир.
Қул қўлида қолса дастурхон,
Бари неъмат ёлғонли ёвғон.
Улуғ ғоя келар камдан-кам,
Уни билган одамдир одам!
09.01.2023 йил
***
• Yilning eng yaxshi ertak spektakli #...
***
https://t.me/uzbektoshijodi
***
Ўзбектош Тўрахонли,
Ўзбекистон Ёзувчилар уюшмаси аъзоси, драматург, режиссёр.
Смотрите видео Oltin daraxt ertagi 🎄🦌🇺🇿🇺🇳🇺🇸 🤝 Golden tree 🎄🦌 by Uzbektosh онлайн без регистрации, длительностью часов минут секунд в хорошем качестве. Это видео добавил пользователь UZBEKTOSH AKA TO'RAXONLI 24 Август 2024, не забудьте поделиться им ссылкой с друзьями и знакомыми, на нашем сайте его посмотрели 109 раз и оно понравилось 2 людям.