Chevrolet Equinox EV 2024
Chevrolet Equinox EV 2024-йил модель
General Motors корпорацияси янги Chevrolet Equinox EV ихчам электр кроссоверини намойиш қилди.
Кроссовер 2024-йил модель бўлиб, GM нинг Ultium платформасида бунёд этилган. Унинг ўлчамлари ҳозирча очиқланмаган бўлсада, жорий Equinox дан узунроқ, энлироқ ва пастроқ эканлигини тахмин қилиш мумкин.
Equinox EV ташқи кўринишда ингичка led фаралар, яширин эшик тутқичлари, комплектацияга қараб ўзгарувчи 19, 20 ва 21 дюймли дискаларга эга. Қимматроқ версияларда панорама том ва икки хил рангдаги кузов мавжуд.
Интерьер компаниянинг охирги кроссоверлари руҳида ишланган. Унга 11 дюймли рақамли приборлар панели, мультимедия дисплей, доира шаклидаги ҳаво чиқаргичлар, иқлим назорати учун алоҳида блок ва орқага ҳаракатланишда автоматик фавқулодда тўхташ тизимлари кабилар ўрнатилган.
Қўшимча қиймат эвазига проекцион экран, гир айлана кўриниш HD камералари, орқани кўрсатувчи рақамли кўзгу ва иккинчи авлод Super Cruiz автопилоти таклиф қилинади. Юк бўлимининг максимал сиғими 1,614 литрни ташкил қилади.
Chevrolet Equinox EV га 213 от кучи ва 328 Нм айланиш лаҳзасига эга битта электр мотор ёки 294 от кучи ва 469 Нм айланиш лаҳзасига тенг иккита электр двигатель ўрнатилади. Уларнинг биринчиси олд приводда бўлса, иккинчи тўлиқдир.
Электр кроссовер EPA цикли бўйича 402, 450 ва 482 км масофа заҳирасига эга батареялар билан жиҳозланади.
Equinox EV кейинги кузда 5 хил комплектацияда (1LT, 2LT, 3LT, 2RS, 3RS) сотувга чиқарилиб, унинг бошланғич 1LT версияси учун АҚШ да $30,000 нарх белгиланган.
Watch video Chevrolet Equinox EV 2024 online without registration, duration hours minute second in high quality. This video was added by user CarPro 19 September 2022, don't forget to share it with your friends and acquaintances, it has been viewed on our site 19 once and liked it 0 people.