эРИ рОССИЯГА КЕТГАН АЁЛЛАР
АРМОННОМА
Туркумдан парча
Бизда иш йўқ, дейиш бир баҳонами,
Ё чет элда ишлаш ҳозир мода-ми?.
Тунлар қучоғида таъмсиз висоллар –
Эри Россияга кетган аёллар.
Чилласи чиқмасдан келинчак ёлғиз...
Чимилдиқ йиғилмай қолар эгасиз...
Ёрининг ортидан жўнайди ҳиссиз...
Эри Россияга кетган жувонлар.
Ҳусни булут тўсган ойга ўхшайди,
Узун бўйгинасин эгиб яшайди,
Ёр-жони ёнида бўлса, яхшийди,
Эри Россияга кетган аёллар.
Акасин мурдаси келган ёқларга,
Ука йўл олмоқда боқмай “оҳ”ларга.
Кўксим тўла йиғи, тан титроқларда,
Эри Россияга кетган аёллар.
Эшиги (кечқурун) ногаҳон тақиллаб қолар,
Бесарҳад ғийбатлар тўрт ёндан олар.
Маст-аласт нокаслар йўлини пойлар,
Эри Россияга кетган аёллар.
Ўғлини жўнатиб, ғам босар ўйин,
Номуссизни кўринг, ўйламас гўрин.
Янги севги пайдо – “қайнота-келин!..”
(Ёлғиз аёлларнинг қўрингиз уйин,)
Эри Россияга кетган келинлар.
На тўкин, на етим болам, деёлмас,
На бева, на тулман, онам, деёлмас,
(На раҳмат, на лаънат, олам, деёлмас,)
Шоир шоҳ сатри ҳам дардин ололмас,
(Ўзбектош шеъри ҳам малҳам бўлолмас,)
Эри Россияга кетган аёллар.
Нима деймиз, эрлар кетмасин, деймиз,
Аёллар бағрин чок этмасин, деймиз!
Биз шоирлар ҳар вақт ишқ ғамин еймиз!
(Биз шоирлар ҳар вақт эл ғамин еймиз...)
Эри Россияга кетган аёллар!
6 июн, 2014 йил
#УЗБЕКТОШ #ШЕРЗОБЕК #РОССИЯ #ИШ #ШЕЪР
Watch video эРИ рОССИЯГА КЕТГАН АЁЛЛАР online without registration, duration hours minute second in high quality. This video was added by user UZBEKTOSH AKA TO'RAXONLI 15 December 2015, don't forget to share it with your friends and acquaintances, it has been viewed on our site 156,151 once and liked it 327 people.