“Başqasına çəkdirdiyini yaşamadan bu dünyadan getməzsən” - Damla ("Çamadan" klip təqdimatı)
Ötən gün müğənni Damla yeni “Çamadan” adlı mahnısına olan klipini təqdim edib.
Showxəbər.Az xəbər verir ki, qələm əhlini bir araya yığan müğənni yeni işi barədə məlumat verib.
Təqdimat sonrası Showxəbər.Az-ın suallarını cavablandıran sənətçi təqdim etdiyi klipindən ürək dolusu danışıb:
“Mahnını və klipi çox bəyəndiyim üçün təqdim etdim. Artıq 80.000 baxış sayını keçdik. Klip İstanbulda çəkilib. Türkiyəli rejissor İrem Aykırın komandası ilə çalışdıq. Bu komanda Türkiyənin ən məşhur simaları birgə çalışır. Azərbaycan tamaşaçısının gözəl görüntü görməyə, keyfiyyətli musiqi dinləməyə haqqı olduğunu düşünürəm. Klipin maliyyəsi ilə bağlı heç vaxt danışmıram. Texniki vasitələr baxımından türk rejissora müraciət etdim. İstədim ki, tamaşaçılarımız keyfiyyətli görüntü izləsin. Geyimlərimi də türk stilisti Selin seçib. Klip çəkdirmək konsert vermək müğənninin işidir. Qazanc məqsədilə bunu etmirəm. Efirdə heç vaxt toy mahnıları oxumamışam. Mahnılarımın adını həmişə belə fərqli seçməyi sevirəm. Mahnının sözləri diqqət çəkməlidir. Eyni adla, dəfələrlə işlənmiş mahnılar var. Mahnının söz müəllifi Elçin Məhərrəmov, musiqisi Cəsur Abdurrahmən, aranjımanı isə İlkin Həsənə məxsusdur. Azərbaycan izləyicilərinə daha yaxşı iş təqdim etmək üçün belə bir addım atdıq. Böyük həvəslə İstanbula gedib klipi çəkib geri döndük. Nə rejissora, nə aranjmançıya, nə də operatora qarışmaram. Bunlar mənim sahəm deyil. Mahnı seçimimdə kiməsə qulaq asmıram. Bu öz seçimim olmalıdır, çünki mənim sahəmdir. Hər xanımın tükəndiyi zamanlar olur. Qurtulmağı sanki çamadanı götürüb getməkdə görür, amma beyin-qəlb səninlə bərabər gedir”.
Mahnının söz müəllifi Elçin Məhərrəmov Damla ilə işbirliyindən danışıb:
“Bir-birmizlə çalışmaqdan ilham alırıq. Hər mahnı öncəsi Damla ilə oturub bir-iki saat söhbət edirik. Bir neçə gün studiyaya gəlib-gedir. Sonda nəticə də gözəl olur”.
İfaçı son günlər sosial medianın gündəm mövzusuna çevrilən, Damla olduğu iddia edilən saxta intim video barədə məsələyə son nöqtəni də Showxəbər.Az kamerası vasitəsilə qoydu:
“Allah ucaltdığını, Allah endirə bilər. Özü açdığı yolu, yalnızca özü bağlaya bilər. Mənə bu qisməti tanrı verib. Uğurlardan qıcıqlanıb uydurmalara əl atmaqdansa, mənim gördüyüm işlərdən daha yaxşısını etmək lazımdı. Bu iyrənc oyunlarla özlərini aldadacaqlar. Onsuzda haqq-ədalət öz yerini tapdı. Məni bataqlığa atdıqlarını zənn etdilər. Xalqın sevgisi, sənət dostlarımın dəstəyi yenə onları məğlub etdi. Bunu ucuz, keyfiyyətsiz insanlar edə bilər. Ətrafımda belə insanlar yoxdur. Kənardan kimsə edibsə, Allaha həvalə edirəm. Belə ucuz məsələrin ardınca getmək sənət yaradıcılığımı dondurmaq deməkdir. Mənə aid olmayan məsələnin nəyini araşdırım? Bu məsələdən çox danışmaq istəmirəm. Kim sevinirsə, həyat bumeranqdır. Başqasına çəkdirdiyini yaşamadan bu dünyadan getməzsən. Kim nə danışırsa, danışsın”.
Qeyd edək ki, təqdim etdiyi kliplə Damla ardıcıl ikinci dəfə türkiyəli rejissora müraciət etməli olub.
Tural Hüseyn
Video: Sübhan İsmayılov
Watch video “Başqasına çəkdirdiyini yaşamadan bu dünyadan getməzsən” - Damla ("Çamadan" klip təqdimatı) online without registration, duration hours minute second in high quality. This video was added by user Mr.Subhan 28 February 2019, don't forget to share it with your friends and acquaintances, it has been viewed on our site 7,732 once and liked it 101 people.