خد فكرة عن التشفير بـ RSA
RSA encryption algorithm
عايز تبعت رسالة فيها كلام خطير جدا لواحد صاحبك
بس خايف ان اي حد يقراها في الطريق
ففكرتوا انك تجيب box وتحط فيه الرسالة وتقفله بقفل
بس هتبعت المفتاح لصاحبك ازاي
طب لو بعت الـ box لواحده والمفتاح لواحده مش ده أمان
ولا ممكن بالصدفة يقعوا في ايد نفس الشخص ويبقى انت ما عملتش حاجة
وسط التفكير ده أخيرا صاحبك جاله فكرة عبقرية
ايه رأيك هو يجيب البوكس والقفل ويسيبه مفتوح ويبعتهملك
وانت تاخد البوكس تحط فيه الرسالة بتاعتك وتقفل القفل وترجعله البوكس
وبكده يبقى المفتاح لم يغادر ارض الوطن الحمد لله
هرجع للقصة دي تاني بس هسألك سؤال سريع جدا
هاتلي رقمين لو ضربتهم في بعض يدوك 30
هتقول 5*6 او 3*10 او 15*2
بس لو اديتك 35 مش هتلاقي غير 5 * 7 بس
ودي قاعدة رياضية بتقول لو جبت رقمين اولين او prime numbers
وضربتهم في بعض هيدوك رقم ما بيقبلش القسمة غيرعليهم بس
الحاجتين اللي ان حكتهملك دول اللي مبني عليهم RSA
الـ encryption algorithm اللي بتشفر 90% من الانترنت
ربط الاتنين ببعض
المفتاح اللي مع صاحبك هنا اسمه الـ secret key وعبارة عن two random prime numbers
طبعا بتبقى ارقام كبيرة جدا بس هنا للتبسيط انا هستخدم الـ 71, 73
هيضربهم في بعض ويبعتلك الـ 5183 وده اسمه الـ public key او القفل في المثال اللي فات
هتاخد الـ 5183 هتشفر بيها الرسالة وتبعتهاله وهو يفك التشفير بالـ 71و 73 اللي محدش يعرفهم غيره
طيب لو حد وقع في ايده الـ 5183 معندوش طريقة يوصل بيها للـ 71 او 73 غير انه يجرب كل الارقام
ولو الـ 5183 دي رقم كبير كفاية الموضوع حرفيًا محتاج مليارات السنين علشان يوصل للأرقام الصح
رغم عبقرية RSA بس زيها زي اي حاجة بتنتهي
الـ quantum computers بتشكل خطر كبير اوي عليها
غير ان الـ algorithms اللي بتـ generate الـ random prime numbers مش random أوي
Watch video خد فكرة عن التشفير بـ RSA online without registration, duration hours minute second in high quality. This video was added by user Bits & Pixels 13 February 2024, don't forget to share it with your friends and acquaintances, it has been viewed on our site 5,33 once and liked it 38 people.