Mongol All Stars - Minii Mongol
Монгол нутгийн гол мөрнөөр ундаалсан би
Морьтон ардын дуу хуураар хөглөгдсөн би
Тоост зам, аяны харгуйд хөл дээрээ тэнцсэн би
Тоймгүй олон баатруудын гавъяаг сонссон би
Зам, толгод, шувууг чинь би
Заяасан амьдарлаа дуустал хайрлана
Завсаргүй хөвч ой, гол мөрнийг чинь би
алуу насны гэрэлт амраг шигээ энхрийлнэ
Дахилт
Хоёр дахин төрвөөс энэ л нутагтаа эргэнэ ээ
Хоёр дахин үхвээс энэ л нутагтаа дуусна
Хорвоод миний хаяг - Миний Монгол
Холоос давхисан хүлэг морь шиг - Эх орон
Энэ биенээс минь дуссан хөлс бүхэн
Эх орон чиний хөрснөөс тариа болон ургаасай
Эгэл хэдэн шүлэгнээс минь сонсдох аялгуу бүхэн
Элэгдэшгүй хайрын минь баглаа цэцэг болоосой
Дахилт
Үүл нэвтэлсэн алтайн оргил дууг минь өргөнө
Үүр гийсэн дорнын тал хайрыг минь хүлээнэ
Үзэж харсан бүхэн үнэн гайхамшиг
Үхэшгүй мөнхийн алдар үгүйрэшгүй холын нутаг
Яруу дуут галуудын ганганаанд хаврыг чинь би хайрлана
Яргуй дэлгэрэх хаврын сард уулсыг чинь би биширнэ
Жигдхэн хүнгэнэх хуурын эгшгэнд бууриа тэлж
Жилийн жилд өндөрсөх толгодыг чинь би шүтнэ.
Дахилт
Watch video Mongol All Stars - Minii Mongol online without registration, duration hours minute second in high quality. This video was added by user Пянз 22 June 2012, don't forget to share it with your friends and acquaintances, it has been viewed on our site 20,59 once and liked it 8 people.