Ушманонь Моро (текст) - Ансамбль Ламзурь
Слова: Маризь Кемаль
Селей пандалга,
Сильдейбулова,
Куро юткова
Чудикерькс чуди.
Куро юткова
Чудикерькс чуди,
Сиянь кев ланга
Веднензэ канды.
Сиянь кев ланга
Веднензэ канды.
Веденть чирева
Од цёра яки.
Веденть чирева
Од цёра яки.
Ризны-мелявты,
Седей калавты.
Ризны-мелявты,
Седей калавты,
Нусманя валсо
Истяня корты:
– Кадса тетинем,
Кадса авинем,
Пайстомо кукокс –
Чиянь полынем.
Пайстомо кукокс –
Чиянь полынем.
Сокицявтомо –
Тиринь мастором.
Мелень апак кевксть
Саить ушманокс,
Ломань масторов
Рузонь рекрутокс.
Кудов самодо
Сельмем а неи,
Тиринь вайгельне
Пилем а мари.
Тиринь мастором,
Масторавакай,
Мезекс макссамак
Стяко ёмамо?
Мезекс макссамак
Стяко ёмамо?
Мезекс кучсамак
Ломань чавомо?
Watch video Ушманонь Моро (текст) - Ансамбль Ламзурь online without registration, duration hours minute second in high quality. This video was added by user Эрзянские Песни 19 January 2024, don't forget to share it with your friends and acquaintances, it has been viewed on our site 219 once and liked it 9 people.