Ko'cha o'rtasidagi to'nkani kim olib tashlashi kerak⁉️
Иймон васлида куйиб,
Икки дунёни суйиб,
Ишқни юракка ўйиб,
Муҳаббатга вақт топинг.
Сўз илми – илоҳиёт,
Гулдарё – адабиёт,
Ислом – улуғ таълимот,
Шариатга вақт топинг.
Уруш очса, ёв пинҳон,
Ноҳақ томса томчи қон,
Шиддат уйғотиб шу он,
Жасоратга вақт топинг.
Қурбон йўлсиз йўловчи,
Вақтинча бахт истовчи,
Ортдан қувар вақт – овчи,
Ҳамсуҳбатга вақт топинг!
Кечиб хушомадлардан,
Қочиб ҳашаматлардан,
Ортиб ҳаловатлардан,
Мамлакатга вақт топинг.
Чойхонадан чиқиб бир,
Кунларни этиб таҳрир,
Ўтириб ўтмай умр,
Сиёсатга вақт топинг.
Тоза куй жондай азиз,
Театру кино лазиз,
Бир кунгина таъмасиз,
Чин санъатга вақт топинг.
Фалончи пистонийдек,
Жаноб Фаровонийдек,
Ўзбектош Армонийдек,
Маърифатга вақт топинг,
Шеъриятга вақт топинг,
Шеъриятдан бахт топинг.
13.06.2021 йил
https://t.me/uzbektoshijodi
ЎТАЁТГАН ОТАЛАР МАКТУБИ
Мактублар ёзаман сенга, болам-ов,
Сўнгги сўзларимни тўкиб қоғозга.
Кексайган кўнгилга қулоқ солгин-ов,
Гарчи буролмайсан кузимни ёзга.
Ҳар куним бир мактуб, болажоним-ов,
Битганларим фақат мардлар тилида.
Хатим уқарсан-а, уқувлигим-ов,
Сарғайиб йитмасин ноҳақ пойида.
Сенга хат ёзаман, болажоним-ов,
Ортга қайтмас йўлда турганимни бил.
Ўзингни қутқариб қол, кўрайин-ов,
Ўзгаларга қарам бўлмасингни бил.
Сенга хатим етсин, болажоним-ов,
Олим бўлсанг, олам сеники, ишон.
Вақтим кам қолганин англаб етгин-ов,
Йўлатма юртингга, онангга армон.
Мактубимни асра, жоним болам-ов,
Дардимни тушуниб замонга етказ.
Дилда ҳақни куйла, тилда ҳақиқат,
Мен ўтсам, исмимни болангга ўтказ.
...Ўзбектош исмимни болангга ўтказ.
30.05.2021 йил
ОТА АРМОНИ
Унга тақлид қилар олти ёш ўғли,
Кетмонда ер чопса тешасин олар.
Бугун минг чақирим олисда кўнгли,
Тўсиқ солган замон уятга қолар.
26.05.2021 йил
*
Яшаш керак шароит йўқ,
Адолатга кел, жамият.
Шароитим бор пайтимда,
Умрим ярим, хаста ният.
26.05.2021 йил
https://t.me/uzbektoshijodi
ТАРҒИБОТЧИЛАР МАДҲИЯСИ
Ижодий-маданий соҳа фидоси,
Элга илми дармон тарғиботчилар,
Ватаннинг маънавий ҳимоячиси,
Дарди Ўзбекистон тарғиботчилар.
Маърифатчи жонбоз керак саводлик,
Ҳар касб ривож топса, шу ерда шодлик,
Тараққиёт асли дили ободлик,
Яратар гулистон тарғиботчилар.
Мақсади, шиори иймондан дарслар,
Виждон уйғотгувчи нутқи йўлбарслар,
Қалбни қувватлагич орзу, ҳаваслар,
Ҳақиқий қаҳрамон тарғиботчилар.
Инсон руҳин кучи, пойдевори сўз,
Руҳни руҳлантирар қувватдори сўз,
Мисли йўлкўрсатгич кўкдаги юлдуз,
Миллий руҳга сарбон тарғиботчилар.
Аввал ҳам бор эди, бугун бор расмий,
Табиб сухан тили сажга бой, назмий,
Сенатор мирзолар, Шоший, Хоразмий,
Замондош билимдон тарғиботчилар.
Тонгда водийда у, эрта Сурхонда,
Ўзбек тилига шон қўшар Афғонда,
Юракда юк ташиб юрган полвонда,
Хизматга шай ҳар он тарғиботчилар.
Тақдир битган Ўзи. Мен ҳисоботчи,
Миллият бобида ёш тадқиқотчи,
Президентнинг ўзи бош ташвиқотчи,
Эслатай: “каттакон” тарғиботчилар.
23.05.2021 йил
*
Шоирлар улуғвор, нурҳаёт, нурқалб,
Кўчадан супуриб олмайди шеърни!
Сўзларни битталаб Худодан сўраб,
Байтларни безатар меҳрга ўраб.
09.06.2021 йил
*
Ҳалима Худойбердиева ҳаёт бўлганларида бугун 74 ёшни қарши олардилар.
Яссавийга мурид, Румийга шогирд,
Нодираи даврон Ҳалима устоз.
Абдулла Орипов, Эркин Воҳидов
Сафида ёнма-ён Ҳалима устоз.
Навоий сеҳридан улгилар олган,
Илоҳий шеър, дармон Ҳалима устоз.
Номин уйғун этди халқ тақдирига,
Тўмарис деб гирён Ҳалима устоз.
Ўзбекнинг шонли сўз хазинасига,
Қўшди дуру маржон Ҳалима устоз.
Ўрнингиз беқиёс, орли шоирим,
Руҳи баланд осмон Ҳалима устоз.
Синиқ овозингиз, илиқ сўзингиз,
Хотирамда ҳамон, Ҳалима устоз.
Маърифий суҳбатлар, савол-жавоблар,
Дилда ёрқин ошён, Ҳалима устоз.
Сиз айтган пистирма мавжуд ҳалиям,
Ортдан шайлар камон, Ҳалима устоз.
Юзма-юз келишга юзи йўқ, фақат
Сиз менга дуохон, Ҳалима устоз.
Ўзбектош исмимга тош отганни деб,
Томоғимда аччиқ бир нима, устоз.
Сизнинг саботингиз минг алпга ўрнак,
Шижоати Турон, Ҳалима устоз.
17.05.2021 йил, соат 00:21
*
Яшаш керак шароит йўқ,
Адолатга кел, жамият.
Шароитим бор пайтимда,
Умрим ярим, хаста ният.
30.05.2021 йил
Watch video Ko'cha o'rtasidagi to'nkani kim olib tashlashi kerak⁉️ online without registration, duration hours minute second in high quality. This video was added by user UZBEKTOSH AKA TO'RAXONLI 09 June 2023, don't forget to share it with your friends and acquaintances, it has been viewed on our site 24 once and liked it 1 people.