«Болашағы біз елдің»: хор ұжымының концерті
Атыраудағы NIS-те бұрын соңды болмаған ерекше кеш өтті. «Алтын дауыс» хор ұжымы шуақты көктемнің алғашқы күніне тұспа-тұс келген алғыс айту күніне, сондай-ақ, алда келе жатқан 8 наурыз – халықаралық аналар, қыз-келіншектер мейрамына орай «Болашағы біз елдің» атты тұңғыш шығармашылық кешін ұйымдастырды.
Ерекше форматтағы рухани кеште көрермендер әр түрлі кезеңнің сан түрлі әуезді әнімен сусындап, құлақ құрышын қандырды.
4 бөлімнен тұратын рухани кешті хор жетекшісі Райымбек Нұрымбетов өзі тізгіндеді. Алдымен туған жер туралы әндер шырқаған оқушылар кейін ретро кезеңге мюзикл арқылы саяхат жасады.
Ал, соңғы бөлім ана мен бала тақырыбына арналды. Бұл бөлімдегі әндер де көрерменді біраз толқытып, көңілін құбылтып, біраз терең ойға батырғаны сөзсіз.
Кеш барысында көңілді тапқырлар клубының су жаңа номері қойылып, жеке әншілер де әсерлі өнер көрсетті.
– Бұл негізінен оқушылардың өз бастамасы. Мен тек ұстаз ретінде қолдап, қомдап, толыққанды даярлығын жасатып, жетеледім. Бұл бір күннің ғана жемісі емес, бұл қоржынға біраз жылдар бойы жинақталған әуезді әндер. Жүректерге жол таба алсақ – қуаныштымыз. Концертімізді қолдаған баршаңызға алғысым шексіз, – дейді Райымбек ұстаз.
Watch video «Болашағы біз елдің»: хор ұжымының концерті online without registration, duration hours minute second in high quality. This video was added by user Назарбаев Интеллектуальная школа ХБН г.Атырау 18 March 2024, don't forget to share it with your friends and acquaintances, it has been viewed on our site 252 once and liked it 11 people.