O'rik gullaganda // Hamid Olimjon
O'rik gullaganda
Derazamning oldida bir tup
O‘rik oppoq bo‘lib gulladi…
Novdalarni bezab g‘unchalar
Tongda aytdi hayot otini
Va shabboda qurg‘ur ilk sahar
Olib ketdi gulning totini.
Har bahorda shu bo‘lar takror,
Har bahor ham shunday o‘tadi.
Qancha tirishsam ham u beor
Yellar meni aldab ketadi.
Mayli deyman va qilmayman g‘ash,
Xayolimni gulga o‘rayman,
Har bahorga chiqqanda yakkash,
Baxtim bormi, deya so‘rayman.
Yuzlarimni silab-siypalab,
Baxting bor, deb esadi yellar.
Etgan kabi go‘yo bir talab,
Baxting bor, deb qushlar chiyillar.
Hamma narsa meni qarshilar,
Har bir kurtak menga so‘ylar roz.
Men yurganda bog‘larga to‘lar
Faqat baxtni maqtagan ovoz:
«Mana senga olam-olam gul,
Etagingga siqqanicha ol.
Bunda tole har narsadan mo‘l,
To o‘lguncha shu o‘lkada qol
Umrida hech gul ko‘rmay yig‘lab
O‘tganlarning haqqi ham senda.
Har bahorni yig‘lab qarshilab
Ketganlarning haqqi ham senda...»
Derazamning oldida bir tup
O‘rik oppoq bo‘lib gulladi…
Music: Boris Che
#audiokitob #audiokitoblar #kitob #audiosher #nazm #she'riyat #sher #O'rikGullaganda #HamidOlimjon #shoir #uzbekistan #uzbek #adabiyot #oʻzbekadabiyoti #аудиокитоблар #аудиокитоб #узбек #китоблар #kitoblar #адабиёт #хикоялар #ҲамидОлимжон #шоир #шеърият #назм
Watch video O'rik gullaganda // Hamid Olimjon online without registration, duration hours minute second in high quality. This video was added by user Audio Tinglaymiz 27 October 2023, don't forget to share it with your friends and acquaintances, it has been viewed on our site 6,28 once and liked it 4 people.